“Xalçaçılıq Cocuq Mərcanlıda əhalinin əsas məşğulluq sahələrindən birinə çevriləcək”.
APA-nın Qarabağ bürosunun xəbərinə görə, bunu Cəbrayıl rayonunun Cocuq Mərcanlı kəndinə səfər edən “Azərxalça” ASC-nin İdarə Heyətinin sədri Vidadi Muradov bildirib. Onun sözlərinə görə, ilkin mərhələdə Cocuq Mərcanlıdan olan 30-dək toxucu qadın daimi iş yeri ilə təmin olunacaq: “Cocuq Mərcanlıdan olan toxucuların cəmiyyətin Füzuli filialında işlə təminatı məsələsini müzakirə etdik. Bu kənddən 20-25 nəfər xalçaçı sözügedən filialda daimi iş yeri ilə təmin olunacaq. Həvəsi olanlar xalçaçılıq-tədris hazırlıq kurslarına cəlb ediləcək.
Cəbrayıl rayonu Azərbaycanın tarixi xalçaçılıq mərkəzlərindən biri olub. Burada Qarabağ, Muğan, Təbriz, Ərdəbil çeşniləri əsasında yerli koloritə uyğun xovlu və xovsuz xalçalar, xalça məmulatları toxunub. Cəbrayılda xalçaçılıq Azərbaycanın digər rayonlarında olduğu kimi, qadınların kütləvi şəkildə məşğul olduqları sənət sahəsi olub”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
