Bakı. Məlahət Nəcəfova – APA. “Azərbaycanla Özbəkistan arasında münasibətlər dinamik inkişaf edir”.
APA-nın məlumatına görə, bu sözləri Özbəkistanın Azərbaycandakı səfirinin müavini Cahangir Aminov deyib. O bildirib ki, iki ölkə arasında siyasi və iqtisadi münasibətləri inkişaf etdirmək üçün böyük potensial var: “XİN-lərarası çox gözəl əməkdaşlıq var. Bir sıra nümayəndə heyətlərinin gəlməsi gözlənilir. Bu ilin noyabrında Özbəkistanda beynəlxalq meyvə-tərəvəz yarmarkası olacaq. Azərbaycandan olan şirkətlərin də orada iştirakı gözlənilir. Yarmarkada Özbəkistan məhsullarının Azərbaycana tədarükü barədə razılaşma imzalanacaq”.