Sentyabrın 20-də Beynəlxalq Muğam Mərkəzində Heydər Əliyev Fondunun və Mədəniyyət və Turizm Nazirliyinin birgə keçirdiyi Üzeyir Hacıbəyli adına IX Beynəlxalq Musiqi festivalı çərçivəsində fortepiano musiqisi gecəsi keçiriləcək.
APA-nın məlumatına görə, gecədə UNESCO-nun sülh artisti Eliso Bolkvadze (piano) çıxış edəcək. Beynəlxalq Muğam Mərkəzində keçiriləcək gecədə Eliso Bolkvadze tamaşaçılar üçün L.V.Bethovenin, Q.Qarayevin, F.Şopenin, F.Şubertin, K.Debüssinin və S.Prokofyevin əsərlərin səsləndirəcək.
Beynəlxalq müsabiqələr laureatı Eliso Bolkvadze Gürcüstanın “The Medal of Georgian Government” (“Gürcüstan Dövlət Medalı”) medalına layiq görülüb. Pianoçu özünü mədəniyyətin parlaq müdafiəçisi kimi inkişaf etdirmiş və 2015-ci ildə UNESCO-nun “Sülh artisti” fəxri adına layiq görülüb.
İfaçı Tbilisi şəhərində yazıçı ailəsində doğulub. Eliso Bolkvadze musiqi təhsilinə 4 yaşında başlayıb, ilk konsertini 7 yaşında olarkən orkestr ilə birgə verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
