Olimpiada

Ana səhifə

Olimpiada

Bakı-2015: Oyunların 16 günündə ümumilikdə 818 medalın sahibi müəyyənləşib - CƏDVƏL

Bakı-2015: Oyunların 16 günündə ümumilikdə 818 medalın sahibi müəyyənləşib - <span style="color: red;">CƏDVƏL

28 iyun 2015 00:34 (UTC +04:00)

Bakı-APA. Azərbaycan yığması Bakı-2015 I Avropa Oyunlarında qeyri-rəsmi komanda hesabında ikinci yeri təmin edib. Apasport.az saytının məlumatına görə, millimiz yarışın sonuna 1 gün qalmış medal sıralamasındakı izləyiciləri üçün əlçatmaz olub.

Komandamız belə uğura ötən gün boksçularımızın sayəsində - 3 dəfə 1-ci, 1 dəfə 2-ci yeri tutmaqla imza atıb. Hesabında 21 qızıl, 15 gümüş və 20 bürünc medal olan yığmamız ümumilikdə 56 mükafata layiq görülüb.

Ötən gün cəmi 9 dəst medalın sahibi müəyyənləşəcəyindən yığmamızdan 10 və daha çox qızıl geri qalan komandalar 2-ci yer şansını itirib. Daha az fərqlə qabaqladığımız Almaniya ilə Böyük Britaniya isə Oyunların son günündə yığmamızı keçmək iqtidarında deyil. Çünki Birləşmiş Krallığın təmsilçiləri heç bir yarışa qatılmayacaq. Almaniya isə 4 finalın hamısında qalib gəlsə də, 2-ci yer Azərbaycanın olacaq.

Hazırda 3-cü olan britaniyalılar 18 qızıl, 10 gümüş və 19 bürünc, 4-cü pillədə qərarlaşan almaniyalılarda isə bu rəqəmlər 15, 16 və 33-dür. 64 medal qazanan sonuncular ümumi rəqəmdə 2-cidi. Rusiyadan geri qalan Almaniya millimizi qabaqlayır. İlk “altılıq”da İtaliya və Belarus yığmaları da yer alıb.

Avropa Oyunlarının qalibi adını sona 3 gün qalmış təmin edən Rusiya yığması isə aktivindəki medalların sayını 161-ə çatdırıb. Qızıl medalının sayı (78) digər ölkələrin hər birinin mükafatlarının ümumi sayından çox olan şimallılar daha 40 gümüş və 43 bürüncə sahib olub.

Şimal qonşularımızın bu nailiyyətində qız üzgüçülərin rekord çıxışının da tolu az olmayıb. Avropa Oyunlarının 7 qat çempionu olan Arina Openışeva qızıl medal sayında rekord vurub. Onun hesabında 1 gümüş də var. Onun komanda yoldaşı Mariya Kameneva 9 medal qazanan yeganə idmançı kimi tarixə düşüb.

Bu üzgüçünün hesabında 6 qızıl, 1 gümüş və 2 bürünc var. Polina Yeqorova həmyerlilərindən geri qalsa da, 6 qat çempion olmağı bacarıb. Ümumilikdə 23 medal əldə edən bu 3 qız 19 qızıla sevinib ki, bu da Rusiya və Azərbaycan istisna olmaqla, istənilən ölkədən çoxdu.

Qeyd edək ki, Bakı-2015-in arxada qalan 16 günündə ümumilikdə 818 - 244 qızıl, 244 gümüş, 330 bürünc medalın sahibi müəyyənləşib. Medalçı 42 ölkədən 31-i çempionluq sevinci yaşayıb. Onlardan üçü ötən gün ilk qızılına sevinib. Bunlar İrlandiya, Danimarka və Bolqarıstandı.

Yer	Ölkə	Qızıl	Gümüş	Bürünc	Cəmi
1	Rusiya	78	40	43	161
2	Azərbaycan	21	15	20	56
3	Böyük Britaniya	18	10	19	47
4	Almaniya	15	16	33	64
5	İtaliya	10	25	10	45
6	Belarus	10	11	22	43
7	Fransa	9	11	18	38
8	Ukrayna	8	14	23	45
9	Hollandiya	8	11	9	28
10	Macarıstan	8	4	8	20
11	Serbiya	8	4	3	15
12	İspaniya	7	11	11	29
13	İsveçrə	7	4	3	14
14	Türkiyə	6	4	19	29
15	Belçika	4	3	3	10
16	Rumıniya	3	5	4	12
17	Portuqaliya	3	4	2	9
18	Polşa	2	8	10	20
19	Avstriya	2	7	4	13
20	Gürcüstan	2	5	8	15
21	İsrail	2	4	6	12
22	Slovakiya	2	2	3	7
23	Litva	2	1	4	7
24	İrlandiya	2	1	3	6
25	Xorvatiya	1	4	6	11
26	Yunanıstan	1	4	4	9
27	Bolqarıstan	1	3	5	9
28	İsveç	1	3	3	7
29	Danimarka	1	2	5	8
30	Sloveniya	1	1	2	4
31	Latviya	1	0	1	2
32	Çexiya	0	2	4	6
33-34	Estoniya	0	1	2	3
	Moldova	0	1	2	3
35	San Marino	0	1	1	2
36-37	Ermənistan	0	1	0	1
	Kipr	0	1	0	1
38-39	Makedoniya	0	0	2	2
	Norveç	0	0	2	2
40-42	Finlandiya	0	0	1	1
	Kosovo	0	0	1	1
	Monteneqro	0	0	1	1