Apasport.az saytının məlumatına görə, kişilər arasında 75 kq çəki dərəcəsində Azərbaycanı təmsil edən və 1/8 finalda fransalı Kristian Assomo-Hallier Mbilliyə qalib gələn Xaybuya Musalovun 1/4 finaldakı rəqibi Vitali Bandarenka olub. Boksçumuz belaruslu rəqibini də yarışdan kənarlaşdırmaqda çətinlik çəkməyib. Hər 3 raundda (29:28; 30:27; 29:28) üstün döyüşən Musalov növbəti mərhələyə adlayıb.
Bununla da yarımfinala yüksəlməklə, ən azı bürünc medalı özü üçün təmin edən boksçularımızın sayı 11-ə çatıb.