Dəniz kuboku - 2017” müsabiqəsində iştirak edən gəmilərin dəniz hədəfinə artilleriya atışları ehtiyat gününə keçirilib. Bu barədə qərar müsabiqənin beynəlxalq hakimlər briqadası tərəfindən qəbul edilib.
APA-nın Müdafiə Nazirliyinin saytına istinadən verdiyi xəbərə görə, avqustun 2-si Xəzər dənizində təyin edilmiş rayona gələn hakimlər briqadası və gəmi heyətləri əlverişsiz hidrometeoroloji səbəblərdən müsabiqənin keçirilməsi üçün hazırlanmış reyd avadanlıqlarının zədələndiyini aşkarlayıblar. Bununla əlaqədar döyüş çalışmalarının yerinə yetirilməsi əvəzinə, naviqasiya məşqlərinin keçirilməsi barədə kollegial qərar qəbul olunub.
Azərbaycan Hərbi Dəniz Qüvvələrinin döyüş təminatı gəmiləri dəstəsi qısa müddətdə reyd avadanlıqlarının təsdiq olunmuş döyüş atışları normalarına uyğun hazırlanmasını təmin edəcəklər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
