Gürcüstanın Samtsxe-Cavaxetiya regionunda, Abastumani kurortu yaxınlığında baş vermiş yanğının söndürülməsində Azərbaycanla yanaşı, Ukrayna, Türkiyə və İran da köməklik edəcək.
APA-nın yerli bürosunun yanğınla bağlı yaradılmış qərargahın məlumatına istinadən verdiyi xəbərə görə, Ukraynanın An-32P təyyarəsi artıq Gürcüstandadır. “Bir neçə saatdan sonra Türkiyədən iki helikopter və təyyarə, İran İslam Respublikasından iki helikopter Gürcüstana çatacaq. Hazırda yanğının söndürülməsinə 1000 nəfərlik canlı qüvvə cəlb olunub”, - deyə məlumatda bildirilir.
Qeyd edək ki, Abastumani kurortu yaxınlığında avqustun 29-da başlamış yanğının artıq 5 hektardan çox sahəni əhatə etdiyi bildirilir. Güclü külək yanğının söndürülməsini çətinləşdirir. Gürcüstan hökumətinin müraciətinə əsasən Azərbaycan prezidenti İlham Əliyevin tapşırığı ilə Fövqəladə Hallar Nazirliyinin 1 yanğınsöndürmə helikopteri 10 nəfərlik heyətlə bu gün Gürcüstana yola düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
