Kişi həndbolçulardan ibarət Azərbaycan milli komandası inkişafda olan ölkələrin III çempionatında çıxışını başa vurub.
APA-nın məlumatına görə, yığmamız Tbilisidə keçirilən yarışı 10-cu pillədə bitirib.
Belə ki, qrup mərhələsində 5-ci olduqdan sonra 9-12-ci yerlər uğrunda oynayan komandamız öncə Malta ilə üz-üzə gəlib. Qarşılaşma 37:22 hesabı ilə təmsilçimizin xeyrinə başa çatıb.
Həndbolçularımız 9-cu yer uğrunda oyunda isə qrup mərhələsində qalib gəldiyi Hindistanla mübarizə aparıb. Görüş bu dəfə rəqibin qələbəsi ilə yekunlaşıb. Hindistanlılar millimizi 46:28 hesabı ilə məğlub ediblər.
Nəticədə yığmamız 12 komandanın iştirak etdiyi inkişafda olan ölkələrin III çempionatını 10-cu yerdə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
