Kişi həndbolçular arasında inkişafda olan ölkələrin III çempionatında qrup mərhələsinin oyunlar başa çatıb.
APA-nın məlumatına görə, Tbilisidə keçirilən yarışın son günü 6 qarşılaşma baş tutub.
V turun yekununa əsasən Azərbaycan millisinin yer aldığı A qrupunda Kuba yarımfinala lider kimi yüksəlib. 5 matçdan 4-də məğlub olan təmsilçimiz isə qrup mərhələsini 5-ci yerdə bitirib.
Mübarizəni 9-12-ci yerlər uğrunda davam etdirəcək komandamız ilk olaraq, digər qrupun sonuncusu Malta ilə üz-üzə gələcək. B qrupunda isə ev sahibləri birinci olub.
Beləliklə, yarımfinalda Kuba Bolqarıstanla, Gürcüstan Böyük Britaniya ilə qarşılaşacaq. 5-8-ci yerlər uğrunda görüşlərdə Çin, Nigeriya, ABŞ və Kolumbiya, 9-12-ci yerlər uğrunda matçlarda isə Azərbaycan və Malta ilə yanaşı, İrlandiya və Hindistan qüvvəsini sınayacaq.
Oyunlar sabah keçiriləcək.
Qeyd edək ki, çempion Avropa çempionatında iştirak hüququ qazanacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
