Bakı-APA. Tələbə Qəbulu üzrə Dövlət Komissiyası (TQDK) tərəfindən elan olunmuş müsabiqənin qalibi olmuş jurnalistlər mükafatlandırılıb. APA-nın xəbərinə görə, TQDK avqust ayında jurnalistlər üçün müsabiqə elan edib. Müsabiqə 2 nominasiya üzrə - 2013/2014-cü tədris ili üzrə qəbul kampaniyasının gedişinə həsr olunmuş “Ən yaxşı məqalə” və “Ən yaxşı televiziya və ya radio reportajı” üzrə aparılıb.
Hər iki nominasiya üzrə ayrılıqda ilk 3 yerə layiq görülmüş KİV təmsilçilərinə I yerə 1000 manat, II yer 800 manat, III yer 600 manat məbləğində mükafat təqdim olunması müəyyənləşdirilib. Müsabiqəyə təqdim olunmuş materialların qiymətləndirilməsi üçün TQDK rəhbərliyi tərəfindən müsabiqə komissiyası yaradılıb. Komissiyanın tərkibinə TQDK-nın şöbə müdirləri və “Abituriyent” jurnalının redaktoru daxildir. Bütün yazılar komissiya üzvləri tərəfindən yoxlanıldıqdan sonra ayrı-ayrılıqda qiymətləndirilib. Verilən qiymətlər əsasında məsul şəxslər tərəfindən qaliblər müəyyənləşdirilib.
“Ən yaxşı məqalə” nominasiyası üzrə I yerə “Azərtac” İnformasiya Agentliyinin əməkdaşı İbrahim Məmmədov, II yerə APA İnformasiya Agentliyinin əməkdaşı Könül Cəfərova, III yerə “Palitra” qəzetinin əməkdaşı Nigar Abdullayeva, “Ən yaxşı televiziya süjeti” nominasiyasında TV nümayəndələrində I yerə ATV kanalının əməkdaşı Kərəm Ələsgərov, II yer- AzTV-nin əməkdaşı Ramin Qurban, III yerə - İTV-nin əməkdaşı Ülviyyə Əlləzova layiq görülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
