Bakı-APA. Kanadanın Kold-Leyk şəhərində (Alberta əyaləti) ənənəvi aviaşou zamanı “T-28 Trojan” təlim-tədris təyyarəsi qəzaya uğrayıb.
APA-nın TASS agentliyinə istinadən verdiyi xəbərə görə, hadisə nəticəsində pilot ölüb.
Təyyarə yerə çırpıldıqdan sonra partlayıb. Tamaşaçılardan xəsarət alan olmayıb. Şou çərçivəsində bütün uçuşlar dayandırılıb. Hadisənin başvermə səbəbləri araşdırılır.