Bakı. Musa Əhmədov - APA-Economics. İcbari Sığorta Bürosu (İSB) tərəfindən növbəti kompensasiya ödənişi həyata keçirilib.
İSB-dən “APA-Economics”ə verilən məlumata görə, bu ilin iyun ayının 1-də Bakı-Qazax-Gürcüstan yolunun 219-cu kilometrliyində baş vermiş yol-nəqliyyat hadisəsində iki ailə üzvünün vəfatı, digər bir ailə üzvünün isə sağlamlığına az ağır dərəcəli bədən xəsarəti alması ilə əlaqədar Azərbaycan vətəndaşlarına ümumilikdə 11 500 manat məbləğində kompensasiya ödənişi verilib.