Strasburq. Fuad Qulubəyli - APA. Bu gün Avropa Parlamentinin Strasburqda keçirilən növbəti sessiyasında qurumun kinemotoqrafiya sahəsindəki “Lüks Mükafatı”-nın qalibi müəyyən olunub.
APA-nın Avropa müxbirinin məlumatına görə, 2015-ci ilin bu mükafatı türkiyəli qadın rejissorun “Mustanq” filminə verilib. Sözügedən film zorla ərə verilmiş beş bacının həyatından bəhs edir.
Qeyd edək ki, finala 2 film çıxıb və qalib Avropa Parlamenti deputatları tərəfindən səsvermə nəticəsində məlum olub. Mükafatı filmin rejissoru Deniz Qamzə Ergüvənə Avropa Parlamentinin sədri Martin Şults təqdim edib.