Bakı. Şəhriyar Əlizadə - APA. Əmək və Əhalinin Sosial Müdafiəsi Nazirliyinin Suraxanı rayon tibbi-əmək ekspert komissiyasının rüşvət almaqda təqsirləndirilən sədri Fəsad Mustafayev barəsində olan hökmdən apellyasiya şikayəti verib.
APA-nın məlumatına görə, o barəsin bəraət hökmünün çıxarılması haqqında apellyasiya şikayəti ilə Bakı Apellyasiya Məhkəməsinə müraciət edib. Şikayət üzrə ilkin baxış iclası oktyabrın 7-də keçiriləcək.
Qeyd edək ki, Baş Prokuror yanında Korrupsiyaya Qarşı Mübarizə Baş İdarəsinin əməkdaşları Əmək və Əhalinin Sosial Müdafiəsi Nazirliyinin Suraxanı rayon tibbi-əmək ekspert komissiyasının sədri Fasad Mustafayev rüşvət alarkən yaxalayıblar. O, Bakı şəhər sakininə əlillik sənədinin düzəldilməsi üçün pul istəyib. Fəsad Mustafayev Cinayət Məcəlləsinin 311-ci (rüşvət alma) maddəsi ilə ittiham edilir.
Bakı Ağır Cinayətlər Məhkəməsinin hökmü ilə F.Mustafayev 5 il müddətinə azadlıqdan məhrum edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
