Bakı. Cavid Zeynallı - APA. Azərbaycan Dövlət Musiqili Teatrında İlyas Əfəndiyevin “Mənim günahım” tamaşası səhnəyə hazırlanacaq.
Teatrın mətbuat xidmətindən APA-ya verilən məlumata görə, səhnə əsərinin ideya müəllifi və rəhbəri teatrın direktoru, əməkdar incəsənət xadimi Əliqismət Lalayevdir.
Tamaşanın quruluşçu-rejissoru Gəncə Dövlət Dram Teatrının baş rejissoru İradə Gözəlova, quruluşçu-rəssamı Elnur Axundov, quruluşçu-dirijoru əməkdar incəsənət xadimi Nazim Hacıəlibəyov, quruluşçu-baletmeysteri Leyla Ağayeva, dirijoru Fəxrəddin Atayev, konsertmeysteri Fidan Babayeva, rejissor-assistenti Saray Kərimlidir.
Tamaşada baş qəhrəmanı - Nurcahan obrazını xalq artisti Şükufə Yusupova canlandıracaq. Ayqız obrazını isə Cəlalə Novruzlu ifa edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
