Bakı. Aqşin Rafiqoğlu - APA-Economics. Ermənistan Gürcüstan üzərindən Rusiyadan aldığı qazın marşrutunu dəyişə bilər. "APA-Economics" Gürcüstan mətbuatına istinadən xəbər verir ki, bu barədə "Qazprom Ermənistan" QSC-nin direktorunun müavini Qrant Tadevosyan xəbər verib.
Onun sözlərinə görə, qaz kəmərinin Gürcüstan ərazisindən keçən 17 kilometrlik, o cümlədən Ermənistan ərazisindən keçən 3 kilometrlik hissəsi Azərbaycan sərhədinə yaxın ərazidən keçir. "Bu ərazi isə olduqca qeyri-stabildir", - deyə o bildirib.
Bununla yanaşı, o əlavə edib ki, qaz kəməri başqa səbəblərdən də dəfələrlə zədələnib və bunun nəticəsində birbaşa qaz nəqlini həyata keçirmək mümkün olmayıb.
"Hazırda marşrutun dəyişdirilməsi ilə bağlı müzakirələr aparılır. İşlərin böyük hissəsi Gürcüstan ərazisində aparılacaq. Bu səbəbdən məsələ hər iki ölkənin hökuməti, Xarici İşlər və Energetika Nazirlikləri arasında müzakirə olunmalıdır", - deyə o bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
