Bakı-APA. İsveçdə miqrantlara qarşı silahlı hücum hazırlamaqda şübhəli bilinən 14 nəfər saxlanılıb.
APA-nın TASS agentliyinə istinadən verdiyi xəbərə görə, həbslər paytaxt Stokholmdan 50 km cənubda yerləşən Nüneshamn şəhərində həyata keçirilib.
Məlumata görə, hüquq-mühafizə orqanlarına hücumun hazırlanması barədə məlumat daxil olub.
Bildirilir ki, saxlanılanlar qaçqınların müvəqqəti olaraq məskunlaşdığı kempinqə hücum etməyə planlaşdırıb. Axtarış zamanı şübhəlilərin silah-sursat aşkar edilib.