Bakı - APA. Bağdadda silsilə terror aktları nəticəsində 12 nəfər ölüb.
APA-nın “Lenta.ru”ya istinadən verdiyi xəbərə görə, bu barədə “Reuters” agentliyi məlumat yayıb.
İki terrorçu-kamikadze şəhərin əsasən şiələrin məskunlaşdığı Bab Əl Şarki qəsəbəsində özlərini partladıb. Partlayışlar nəticəsində 8 nəfər həyatını itirib, 18 nəfər yaralanıb.
Təxminən eyni vaxtda əsasən şiələrin məskunlaşdığı Bab əl Muadam kvartalında 4 nəfərin ölümü, 9 nəfərin yaralanması ilə nəticələn növbəti terror aktı baş verib.
Hələlik partlayışlara görə heç bir qruplaşma məsuliyyəti öz üzərinə götürməyib. Lakin polis terror aktlarının arxasında İŞİD-in olduğunu düşünür.