Bakı-APA. Son üç həftədə Hindistanda anomal istilər nəticəsində 500 nəfərdən çox insan həyatını itirib.
APA-nın TASS agentliyinə istinadən verdiyi məlumata görə, bu barədə Hindistanın Təbii fəlakətlərin ləğvi üzrə Dövlət Departamenti məlumat yayıb.
Hindistanda 330 milyondan çox insan su çatışmazlığından əziyyət çəkir. Ən kəskin vəziyyət Odişe, Telanqan və Andxra-Pradeş əyalətlərindədir. Günvurma nəticəsində Odişedə 198 nəfər, Telanqanda 260 nəfər, Andxra-Pradeşdə 70 nəfər ölüb.
Hindistan Meteoroloji Xidməti bu ilin son 100 il ərzində Ən isti il olacağını, ölkənin cənubunda temperaturun 48 dərəcəni ötəcəyini açıqlayıb.
Xatırladaq ki, keçən il anomal istilər nəticəsində Hindistanda 2 min nəfərdən çox insan həyatını itirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
