Bakı. Fərid Mirzəyev – APA. “Hazırda Bakı teleteatrının xüsusilə şərq hissəsində, yəni Şəhidlər Xiyabanı, “Əbədi məşəl” abidə kompleksindən başlayaraq “Gülüstan” sarayı istiqamətindəki sürüşmə sahəsində nisbi fəallaşma var”.
Bunu APA-ya Azərbaycan Milli Elmlər Akademiyasının (AMEA) Coğrafiya İnstitutunun direktor müavini Elbrus Əlizadə deyib. O bildirib ki, hazırda həmin ərazidə qrunt sularının səviyyəsi və rütubətlənmə artıb: “Bakı ərazisindəki sürüşmə sahələri tərəfimizdən çox diqqətlə öyrənilir. Badamdardakı sürüşmə sahələrində sabitlikdir. Lakin Bakı teleteatrı, Şəhidlər Xiyabanı istiqamətindəki yollarda çatlar, yamaclardakı xırda uçmaların baş verməsi orada gərginliyin artdığını göstərir”.
E. Əlizadə qeyd edib ki, hazırda Zığ və Masazırdakı sürüşmə sahələrində də aktivlik müşahidə olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
