Moskva. Fərid Əkbərov - APA. "Rusiya və Azərbaycan hərbi-texniki əməkdaşlıq kimi həssas sahədə məsuliyyətli və etibarlı tərəfdaş olduqlarını təsdiqlədilər".
APA-nın Moskva müxbirinin verdiyi məlumata görə, bunu Rusiya baş nazirinin müavini, Rusiya-Azərbaycan hökumətlərarası komissiyanın həmsədri Dmitri Roqozin Bakıya səfərinin yekunu barədə "Twitter"dəki səhifəsində yazıb.
"Bakı səfərinin əsas yekunu: tərəflər hərbi-texniki əməkdaşlıq kimi həssas sahədə məsuliyyətli və etibarlı tərəfdaş olduqlarını təsdiqlədilər".
Qeyd edək ki, Rusiya baş nazirinin müavini Dmitri Roqozini martın 3-də Azərbaycan prezidenti İlham Əliyev qəbul edib.