Bakı. Şəhriyar Əlizadə - APA. Bakıda oğurluq edən qadınlar saxlanılıb.
APA-nın DİN-in saytına istinadən verdiyi məlumata görə, Bakı Şəhər Baş Polis İdarəsinin Metropolitendə Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində martın 2-də Ülkər Tarverdiyevaya və Şəhla Əliyevaya məxsus ümumilikdə 76 manat oğurlamış Xırdalan şəhər sakini, əvvəllər məhkum olunmuş Turac Məmmədova tutulub. Ondan 0,207 qram heroin götürülüb.
Xəzər rayon 1-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində martın 2-də Zirə qəsəbəsində yaşayan Elnur Çələbiyevin evindən oğurluğa cəhd göstərmiş Yevlax rayon sakinləri İlhamə Olamadze və Turanə Əhmədova saxlanılıblar. Ətraflarında aparılmış əməliyyat tədbirləri ilə onların daha 2 evdən pul və qızıl əşyalar oğurlamaları da müəyyən edilib.
Hər bir faktla bağlı araşdırma aparılır.