"2017-ci ildə 1 953 sahibkara 146 milyon manat güzəştli kredit verilib".
APA-nın xəbərinə görə, bunu iqtisadiyyat nazirinin müavini Sahib Məmmədov qadınların səlahiyyətlərinin genişləndirilməsi və qadın sahibkarlığının inkişaf etdirilməsi məqsədilə keçirilən “She Congress”də çıxışı zamanı deyib.
Nazir müavini bildirib ki, son 15 ildə ölkədə qeydiyyatdan keçən sahibkarlıq subyektlərinin sayı 4,3 dəfə artaraq 900 mini keçib: "Bunlar həm hüquqi, həm də fiziki şəxslərdir. Bu gün qeydiyyatdan keçmiş fiziki şəxslərin 21 faizini qadın sahibkarlar təşkil edir. Biz bu rəqəmlərlə kifayətlənmirik. Bunun üçün genişmiqyaslı tədbirlər həyata keçirilir".
S. Məmmədov qeyd edib ki, bu günə kimə 4 mindən artıq qadın sahibkara 93,5 milyon manat güzəştli kredit ayrılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
