ETSN və DSX birgə reyd keçirib, qanunsuz ovlanmış 2 baş cüyür aşkarlanıb

ETSN və DSX birgə reyd keçirib, qanunsuz ovlanmış 2 baş cüyür aşkarlanıb
# 04 dekabr 2017 13:49 (UTC +04:00)

Dekabrın 3-də Ekologiya və Təbii Sərvətlər Nazirliyi (ETSN) və Dövlət Sərhəd Xidmətinin (DSX) əməkdaşlarının Şəki rayon Baş Kəldək kəndinin dağlıq meşə ərazisində birgə keçirdikləri reyd zamanı qanunsuz cüyür ovlanması faktı aşkar edilib.

ETSN-nin mətbuat xidmətindən APA-ya verilən məlumata görə, reyd zamanı meşə ərazisində “Niva” markalı 55 BD 533 dövlət qeydiyyat nişanlı avtomobil saxlanılıb.

Avtomobilə keçirilən baxış zamanı başı boğazından kəsilmiş, dərisi soyulmuş, çəkiləri 9 və 13 kiloqram olan 2 baş cüyürün əti və 2 ov tüfəngi aşkar edilərək maddi sübut kimi götürülüb.

Araşdırma zamanı qanun pozucularının Şəki rayon Baş Kəldək kənd sakinləri Dağlar Hüseynov, Telman Məmmədov və oğlu Alim Məmmədovun olduğu müəyyən edilib.

Təqsirkar şəxslər barəsində protokollar tərtib olunub və hazırda onların məsuliyyətə cəlb edilməsi üçün qanunvericiliyə uyğun qaydada zəruri tədbirlər görülür.

#
#

ƏMƏLİYYAT İCRA OLUNUR