Bakı. Vüsal Nəbiyev – APA-Economics. Bu ilin iyul ayında Azərbaycan Əmək və Əhalinin Sosial Müdafiəsi Nazirliyinin (ƏƏSMN) "142-Çağrı mərkəzi" tərəfindən 9716 müraciət cavablandırılıb.
Nazirlikdən “APA-Economics”ə verilən məlumata görə, həmin müraciətlərin 4194-ü (43,2%) sosial təminat, 2343-ü (24,1%) əmək qanunvericiliyi, 1295-i (13,3%) ƏƏSMN-nin elektron xidmətlərindən istifadə, 1157-i (11,9%) tibbi-sosial ekspertiza və əlilliyi olan şəxslərin reabilitasiyası, 727-i (7,5%) isə məşğulluq məsələlərini əhatə edib.
İyul ayında "142-Çağrı mərkəzi"nə daxil olan müraciətlərin 9080-i qeyd olunan fəaliyyət sahələri ilə əlaqədar sorğu xarakteri daşıyıb. Vətəndaşları maraqlandıran suallar nazirliyin mütəxəssisləri tərəfindən aidiyyəti üzrə dolğun izahatlar verilərək cavablandırılıb.
Daxil olan müraciətlərin yalnız 636-da (6,1%) ayrı-ayrı vətəndaşlar onların əmək və sosial təminat hüquqlarının müəyyən olunması məsələlərini, habelə təklif və şikayətlərini ifadə ediblər. Həmin müraciətlər müraciət vərəqəsi əsasında araşdırılaraq cavablandırılması üçün nazirliyin müvafiq struktur bölmələrinə göndərilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
