"Bir ay əvvəl elan etdiyimiz müsabiqəyə təqdim edilən elmi-tədqiqat işlərinin mövzuları bir-birini təkrarlayır".
APA-nın xəbərinə görə, bunu Azərbaycan Milli Elmlər Akademiyasının (AMEA) prezidenti, akademik Akif Əlizadə deyib.
AMEA prezidenti qeyd edib ki, müsabiqəyə 70-dən artıq iş təqdim edilib, onlardan yalnız 16-sı ekspertizadan keçib: "Elmi-tədqiqat işləri yeni istiqamətləri əhatə etməlidir ki, biz onlara maliyyə ayıra bilək. Bizim maksimum 10-12 işi maliyyələşdirmək imkanımız olacaq".