Avropanın ən yaxşı bombardirlərinin siyahısı açıqlanıb.
Apasport.az saytının məlumatına görə, UEFA-nın tərtib etdiyi cədvəldə “Qızıl buts” uğrunda mübarizədə ilk 12 pillədə qərarlaşan futbolçular yer alıb.
Siyahıya “Bavariya”nın polşalı qol maşını Robert Levandovski başçılıq edir. Hesabında 19 qol olan hücumçunun aktivində 38 xal var.
Bundesliqanın digər təmsilçisi Timo Verner ikincidir. 36 xala malik “Leypsiq”in bombardiri 18 top vurub.
İlk “üçlüy”ü Çiro İmmobile qapayır. “Latsio”nun təcrübəli forvardı liderdən 2 top və ya 4 xal geri qalır.
İlk “12-lik”də yer alan futbolçulardan altısı əmsalı 2-yə bərabər olan çempionatları təmsil edir. Bu rəqəm 1,5 olan 4 liqa da siyahıda təmsil olunub.
Əmsalı 1-ə bərabər olan Estoniya və Farer adaları çempionatının bombardiri də ən yaxşılar arasındadır. Son üç mövsümdə mükafata yiyələnən Lionel Messi 10-cu yerə şərikdir. O, liderdən 7 qol və ya 14 xal geri qalır.
“Qızıl buts” mükafatı uğrunda mübarizənin liderləri
1. Robert Levandovski (Bavariya, Almaniya) – 38 (19x2)
2. Timo Verner (Leypsiq, Almaniya) – 36 (18x2)
3. Çiro İmmobile (Latsio, İtaliya) – 34 (17x2)
4. Ceymi Vardi (Lester, İngiltərə) – 32 (16x2)
5. Erik Sorqa (Flora, Estoniya) – 31 (31x1)
6. İlya Şkurin (Zvezda, Belarus) – 28,5 (19x1,5)
7-8. Şon Veysman (Volfsburq, Almaniya) – 25,5 (17x1,5)
Kamil Vilçek (Brondbü, Danimarka) – 25,5 (17x1,5)
9. Klement Olsen (Runavik, Farer adaları) – 25 (25x1)
10-12. Kərim Benzema (Real, İspaniya) – 24 (12x2)
Erlinq Holand (Zalsburq, Avstriya) – 24 (16x1,5)
Lionel Messi (Barselona, İspaniya) - 24 (12x2)
Qeyd: futbolçunun hesabındakı xallardan sonra mötərizədə vurduğu qol sayı və çıxış etdiyi çempionatın əmsalı əks olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
