Bu gün Əfqanıstanın paytaxtı Kabildə ardıcıl bir neçə partlayış baş verib, 13 nəfər ölüb.
APA-nın xəbərinə görə, bu barədə “Deutche Welle” məlumat verib.
Məlumata əsasən, iki terrorçu-kamikadzenin polis məntəqəsinə etdikləri hücum nəticəsində 10 nəfər ölüb. Bundan sonra Kabilin mərkəzində daha bir polis məntəqəsi qarşısında partlayış törədilib, həmçinin naməlum silahlılar bir sıra inzibati binaları atəşə tutublar. Nəticədə 3 nəfərin öldüyü, yaralıların olduğu bildirilir.
Hücumlara görə məsuliyyəti hələ ki heç bir qruplaşma öz üzərinə götürməyib.