Salyanda qida məhsulları fabrikində çalışan iki qadın avtomobillə vurulub.
APA-nın Mil-Muğan bürosunun məlumatına görə, bu gün səhər saatlarında rayonun Arbatan kəndində kənd sakini, 1981-ci il təvəllüdlü Fərəcov Fərzalı Aslan oğlunun idarə etdiyi “Niva” markalı avtomobillə yolu keçən piyadalar - Salyan sakinləri, 50 yaşlı Səriyyə Nazim qızı Əhədova və Kəmalə Aslan qızı Əsgərovanı vurub.
Xəsarət alan qadınlar Salyan Mərkəzi Rayon Xəstəxanasına çatdırılıblar. Kəllə-beyin travması alan K. Əsgərova travmatologiya şöbəsinə, digər qadın ı kəllə-beyin travması ilə reanimasiya şöbəsinə yerləşdirilib. Lakin sonuncunun həyatını xilas etmək mümkün olmayıb, o, aldığı ağır xəsarətdən xəstəxanada ölüb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
