Binə Ticarət Mərkəzində yanğın olub
Şahidlərin APA-ya verdiyi məlumata görə, hadisə bu gün saat 10.00 radələrində ticarət mərkəzinin 7-ci sırasındakı mağazalardan birində qeydə alınıb. Hadisə yerində yanğınsöndürənlər cəlb edilib.
Fövqəladə Hallar Nazirliyinin mətbuat xidmətindən APA-ya bildirilib ki, yanğın 50 kv/m ərazisi olan mağazada baş verib və həyata keçirilən tədbirlər nəticəsində yanğın söndürülüb.
Hazırda yanğının baş vermə səbəbləri araşdırılır.