Bakı – APA. Abşeron rayon sakini Mustafa Qədimalıyev tapdığı odlu silahı və ləvazimatları polisə təhvil verib.
APA-nın DİN-in saytına istinadən yaydığı xəbərə görə, Abşeron rayon sakini Mustafa Qədimalıyev tapdığı “Makarov” markalı tapançanı, 8 ədəd patronu və patron darağını könüllü olaraq Baş Mütəşəkkil Cinayətkarlıqla Mübarizə İdarəsinə təhvil verib.
Bakı şəhəri, Nərimanov RPİ 16-cı PB əməkdaşlarının həyata keçirdikləri əməliyyat-axtarış tədbirləri nəticəsində isə Bakı şəhər sakini Elçin Məmiyevdən nömrəsi silinmiş “Makarov” markalı tapança, patron darağı və patron götürülüb.