Bakı. Etibar Məmmədov – APA. Razi Nurullayevi sədri olduğu Azərbaycan Xalq Cəbhəsi Partiyası (AXCP) Ədliyyə Nazirliyinə müraciət edib.
Bu barədə APA-ya R. Nurullayev məlumat verib. O bildirib ki, rəhbərlik etdiyi qurum oktyabrın 18-də keçirdiyi qurultayla bağlı müvafiq məlumatların dövlət reyestrinə daxil edilməsi ilə bağlı sənədlər toplusunu bu gün Ədliyyə Nazirliyinə təqdim edib.
R. Nurullayev əlavə edib ki, Əli Kərimlinin sədri olduğu AXCP-nin qurultayındakı qanun pozuntuları ilə bağlı sənədlər hazırlanaraq məhkəməyə təqdim olunacaq.
Xatırladaq ki, AXCP sədri Əli Kərimlinin sabiq müavini olan Razi Nurullayev əsl AXCP-nin onun rəhbərliyi ilə yarandığını bəyan edib və partiya üzvlərini öz ətrafında birləşməyə çağırıb. O, oktyabrın 18-də bu təşkilatın qurultayını keçirib və sədr seçilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
