Bakı. Hafiz Heydərov - APA. Daxili İşlər Nazirliyi (DİN) Xaçmazda iş adamının qətlə yetirilməsi faktı ilə bağlı məlumat yayıb.
APA-nın nazirliyin saytına istinadən verdiyi məlumata görə, iyunun 16-da Xaçmaz şəhərində yaşayan İlqar Məmmədovun küt alətlə qətlə yetirilmiş meyiti evinin həyətində tapılıb.
Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.
Faktla bağlı Xaçmaz Rayon Polis Şöbəsi tərəfindən əməliyyat-axtarış tədbirləri aparılır.
Qeyd edək ki, İ. Məmmədov ticarət mallarının topdansatışı ilə məşğul olub.