Bakı. Aqşin Rafiqoğlu - APA-Economics. Dövlət Gömrük Komitəsi bu ilin yanvar-mart aylarında xam neft və neft məhsullarının ixracı haqqında məlumatları açıqlayıb.
"APA-Economics" komitənin açıqladığı statistik məlumatlara istinadən xəbər verir ki, I rübdə gömrük bəyannamələri əsasında 1 mlrd. 353 mln. 390,43 min ABŞ dolları dəyərində 5 mln. 437 min 54,07 ton xam neft ixrac olunub ki, bu da ötən ilin analoji dövrü ilə müqayisədə 14,96% azdır. Məbləğ dəyərində isə bu göstərici 48,54% azalıb.
Ötən üç ay ərzində Azərbaycan 85 mln. 236,60 min dollar dəyərində 422 min 693,55 ton həcmində neft məhsulları ixrac edib ki, bu da 2015-ci ilin I rübü ilə müqayisədə 29,03% azdır. Məbləğ dəyərində isə bu göstərici 2,34 dəfə azalıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
