Bakı. Vüsal Nəbiyev - APA-Economics. Bakıya təcili eniş edən təyyarənin göyərtəsində səhhəti pisləşən sərnişin dünyasını dəyişib.
Bu barədə “APA-Economics”ə “Azərbaycan Hava Yolları” QSC-nin (AZAL) prezidentinin ictimaiyyətlə əlaqələr üzrə köməkçisi Paşa Kəsəmənski məlumat verib.
"Səhhəti pisləşən şəxs 72 yaşlı Böyük Britaniya vətəndaşı olub. Təyyarə eniş etdikdən sonra məlum olub ki, o, artıq həyatını itirib. Onun vəfatına səbəb ürək çatışmazlığı olub", - deyə P.Kəsəmənski bildirib.
P. Kəsəmənski əlavə edib ki, vəfat etmiş şəxsin qohumları meyitin Bakıda qalmasını istəyiblər. Hazırda cənazənin yola salınması ilə bağlı işlər aparılır.
***
saat 10:03
Bakı. Vüsal Nəbiyev - APA-Economics. Londondan Hindistanın Mumbai şəhərinə uçan təyyarə Heydər Əliyev adına Hava limanına təcili eniş edib.
“APA-Economics”in verdiyi xəbərə görə, hadisə ötən gün baş verib. Buna səbəb göyərtədə olan sərnişinlərdən birinin səhhətinin pisləşməsi olub. Sərnişinə təcili tibbi yardım göstərilib.
Qeyd edək ki, “Air İndia”ya məxsus “Boeing” tipli təyyarədə 229 nəfər sərnişin olub. Təyyarə ötən gün saat 19:00-da Londonun Hitrou hava limanından yola düşüb. Bu səhər saat 04:00-da isə Mumbainin Çatrapati beynəlxalq hava limanına enməsi planlaşdırılıb.
Məcburi enişlə əlaqədar təyyarənin bu gün saat 13:00-da Mumbaiyə çatması gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
