Tbilisi metropoliteninin maşinistlərinin dünən səhər saatlarından elan etdiyi tətil davam edir.
APA-nın Gürcüstan bürosunun məlumatına görə, gecə saatlarında Tbilisi meri Kaxa Kaladze və maşinistlər arasında keçirilmiş görüş nəticəsiz yekunlaşıb.
Maşinistlərin bildirib ki, şəhər meriyasının rəhbərliyi onların əmək haqlarının artırılması ilə bağlı müzakirələrə 2019-cu ildə başlamağı təklif edib və bu, onlar üçün qəbuledilməzdir.
Metro işçilərinin tətili Qldani deposunda davam edir. Onlardan bəziləri aclıq aksiyasına başlayıb.
Qeyd edək ki, Tbilisi metropoliteninin maşinistləri əmək haqlarının 45% artırılmasını tələb edirlər. Metropolitenin 22 stansiyasının hamısı bağlıdır. Tətillə əlaqədar ictimai avtobuslar sərnişinlərə ötən gündən ödənişsiz xidmət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
