APA-nın qərb bürosunun verdiyi məlumata görə, rayonda yaşayan Yusifovlar ailəsinin beşi uşaq olmaqla yeddi üzvü pomidor turşusundan zəhərlənib.
Ailə başçısı Xəqani Yusifov, həyat yoldaşı Xalidə, övladları 6 yaşlı Ayişə, 14 yaşlı Aygün, 11 yaşlı Aytən, 4 yaşlı Aidə və 9 yaşlı Qismət Yusifov Tovuz Mərkəzi Rayon Xəstəxanasına yerləşdirilib.
Tovuz Mərkəzi Rayon Xəstəxanasından bildirilib ki, 14 yaşlı Aygün Yusifovanın vəziyyəti orta-ağır, digər şəxslərin durumu isə kafi qiymətləndirilir.