Bakı. Zümrüd Paşayeva – APA. İtaliyanın Milan şəhərində Ukrayna prezidenti Petro Poroşenko, Avropa liderləri və Rusiya prezidenti Vladimir Putin arasında çoxtərəfli görüş keçirilib. APA-nın xəbərinə görə, bu barədə Ukrayna prezidentinin rəsmi “Twitter” səhifəsində məlumat yayılıb.
Görüşdə İtaliyanın baş naziri Matteo Renzi, Almaniya federal kansleri Angela Merkel, Fransa prezidenti Fransua Olland, Böyük Britaniyanın baş naziri Devid Kemeron, Avropa Şurasının sədri Herman Van Rompey, Avropa Komissiyasının prezidenti Joze Manuel Barrozo iştirak edib.