Bakıda Azərbaycan və Qazaxıstan Silahlı Qüvvələrinin birgə hərbi-dəniz təlimləri keçirilir.
APA-nın xəbərinə görə, bu barədə Qazaxıstan Müdafiə Nazirliyinin mətbuat xidməti xəbər yayıb.
Bildirilir ki, təlimlər Qazaxıstan Silahlı Qüvvələrinin beynəlxalq əməkdaşlıq planı çərçivəsində reallaşdırılır. Təlimlərdə hərbçi-dalğıclar iştirak edir. Bununla yanaşı iki ölkənin hərbçiləri dalğıc-təlim mərkəzinin təlim bazası ilə tanış olublar, qəza və axtarış xilasetmə işlər zamanı birgə fəaliyyət istiqamətində iş aparıblar.
Təlimlər avqustun 10-dək davam edəcək.