Xarici siyasət

Ana səhifə

Xarici siyasət

Joao Suares: “Azərbaycana səfəri səbirsizliklə gözləyirəm” - EKSKLÜZİV

Joao Suares: “Azərbaycana səfəri səbirsizliklə gözləyirəm” - <font color=red>EKSKLÜZİV</font>

23 iyul 2008 08:20 (UTC +04:00)

- Azərbaycanda bu il prezident seçkiləri keçiriləcək. Rəhbərlik etdiyiniz qurum seçkiləri müşahidə etmək üçün ölkəmizə missiya göndərəcəkmi?
- Adətən, biz prezident seçkilərini müşahidə etmirik, çünki daha çox parlament seçkiləri üzrə ixtisaslaşmışıq. Bununla da aktiv parlament fəaliyyətinin mühüm əhəmiyyət kəsb etdiyini işıqlandırmağa çalışırıq. ATƏT Parlament Assambleyası yalnız rəqabət qabiliyyətindən asılı olaraq məhdud sayda prezident seçkilərini müşahidə edir. Burada söhbət həmdə kifayət qədər resurslara malik olmamağımızdan gedir ATƏT regionunda keçirilən bütün seçkiləri müşahidə etmək üçün bizim kifayət qədər əməkdaşımız yoxdur. Buna görə də prezident seçkilərini müşahidə etmək üçün Azərbaycana missiya göndərməyi planlaşdırmırıq.
- Azərbaycanda jurnalistlərin həbsdə olması faktına təmsil etdiyiniz qurumun münasibəti birmənalı deyil...
- ATƏT və qurumun Parlament Assambleyası söz azadlığının təmin olunmasını son dərəcə vacib hesab edir. Buna sübut olaraq ATƏT-in söz və mətbuat azadlığı üzrə xüsusi nümayəndəsi Mikloş Haraştinin fəaliyyətini göstərə bilərəm. Hələ apreldə Azərbaycana səfərinin yekunu olaraq Mikloş Haraşti Azərbaycan hökumətindən mediaya qarşı təzyiq faktorlarına qarşı mübarizə aparmağı və həbsxanada olan jurnalistləri azadlığa buraxılmağı xahiş etmişdi. Mən Mikloş Haraştinin bu bəyanatını dəstəkləyirəm.
- ATƏT Parlament Assambleyasının sabiq prezidenti Qoran Lenmarker Dağlıq Qarabağ münaqişəsinə həsr olunmuş hesabat hazırlayırdı. Siz də bu münaqişənin həlli ilə hansısa formada məşğul olmağı planlaşdırırsınızmı? Dağlıq Qarabağ münaqişəsinə dair xüsusi məruzəçinin təyin olunması zərurəti varmı?
- ATƏT Parlament Assambleyasının dondurulmuş münaqişələrin, o cümlədən Dağlıq Qarabağ münaqişəsinin həlli istiqamətində öz mühüm fəaliyyətini davam etdirməsinə əmin olmaq üçün bu istiqamətdə aktiv çalışmağı düşünürəm. Quruma rəhbərlik etdiyimi dövrdə münaqişələrin nizamlanması ATƏT Parlament Assambleyasının qarşısında duran əsas vəzifələrdən biri olacaq. Mən də həmçinin bu problemlərin həlli prosesinə cəlb olunacağam. Ümidvaram ki, bu məsələdə ATƏT Parlament Assambleyasının bütün üzvlərinin dəstəyini əldə edə biləcəyəm. Assableyamızın üzvlərinin bu tip münaqişələrlə bağlı dəyərli bilikləri var və bu biliklər konfliktlərin nizamlanmasında istifadə oluna bilər.
- Avropa Şurası qurumun Parlament Assambleyasında təmsil olunan Azərbaycan və Ermənistan nümayəndə heyətlərinin görüşünü təşkil edir. Sizin də analoji təşəbbüslə çıxış etmək fikrinizi varmı?
- Mütəmadi görüşlərin keçirilməsi çox maraqlı və yaxşı ideyadır. Düşünürəm ki, biz bu təşəbbüsdən ATƏT Parlament Assambleyası çərçivəsində yararlana bilərik.
- Yaxın zamanlarda Azərbaycana səfər etmək fikriniz varmı?
- İş qrafikimdən asılı olaraq Azərbaycana və digər Cənubi Qafqaz respublikalarına maksimum dərəcədə tez səfər etməyi düşünürəm. Cənubi Qafqaz ATƏT üçün son dərəcə vacib regiondur və bizim bu regionla daimi əlaqələrimiz olmalıdır. Azərbaycana səfəri səbirsizliklə gözləyirəm.