Ann Dersi: “Müstəqil mətbuat ilk növbədə iqtisadi baxımdan müstəqil olmalıdır”
12 mart 2007 11:18 (UTC +04:00)
“ABŞ Dövlət Departamentinin insan haqlarına dair son hesabatı Azərbaycanda bu sahədə neqativ və pozitiv inkişaf meyllərin olduğunu göstərdi”. APA-nın məlumatına görə, bu fikirləri Xəzər Universitetinin tələbələri ilə görüşdə ABŞ-ın Azərbaycanda fövqəladə və səlahiyyətli səfiri Ann Dersi verib. O, Azərbaycanda çoxlu sayda kütləvi informasiya vasitələrinin fəaliyyət göstərdiyini və bu sahədə problemlərin olduğunu deyib: “Bu problemlərin əksəriyyəti iqtisadi asılılıqla əlaqədardır. Müstəqil mətbuat ilk növbədə iqtisadi baxımdan müstəqil olmalıdır. Bunun üçün isə reklam bazarını inkişaf etdirmək lazımdır”. Ötən il Azərbaycanda vətəndaşların sərbəst toplaşmaq və söz azadlığı hüquqlarının pozulduğunu deyən səfir tolerantlıq, onsan alverinə qarşı mübarizə və məhkəmə sisteminin təkmilləşdirilməsi sahəsində irəliləyişlər əldə olunduğunu vurğulayıb. Səfir Azərbaycanda keçirilən son bələdiyyə seçkilərini müşahidə etməyə imkan tapdığını bildirib: “Müşahidələrimə əsasən deyə bilərəm ki, 2005-ci ilin parlament seçkiləri ilə nisbətdə müəyyən irəliləyişlər qeydə alınıb. Bununla belə seçki sisteminin təkmilləşdirilməsi üçün görüləsi işlər çoxdur. ABŞ Azərbaycanda azad və ədalətli seçkilərin keçirilməsi üçün yardım göstərməyə hazırdır”.
Xarici siyasət
Hikmət Hacıyev: “Azərbaycan COP29 tədbirləri zamanı ölkələri atəşkəs bağlamağa dəvət edə bilər”
18:02
5 may 2024
BMT Baş katibinin köməkçisi Emənistanın Azərbaycanla sərhəd bölgələrinə səfər edəcək
14:35
5 may 2024
Azərbaycanla Qambiya arasında diplomatik passport sahibləri üçün viza rejimi ləğv edilib
23:10
4 may 2024
Ceyhun Bayramov İƏT-in Qida Təhlükəsizliyi üzrə baş direktoru ilə görüşüb
22:46
4 may 2024