Qüdsi Osmanov Voloqda vilayətinə səfər edəcək
05 aprel 2007 14:04 (UTC +04:00)
Rusiyanın Şimali-Qərb Federal dairəsinə daxil olan vilayətlərə səfər çərçivəsində Azərbaycanın Sankt-Peterburqda baş konsulu Qüdsi Osmanovun başçılıq etdiyi nümayəndə heyəti Voloqda vilayətində olub. Bu barədə APA-ya Azərbaycanın Sankt-Peterburqda baş konsulu Qüdsi Osmanov məlumat verib. Səfər zamanı Q. Osmanov Voloqda vilayətinin qubernatoru V. Pozqalyov, qubernatorun müavinləri L. İoqman və N. Vinoqradov, Qanunvericilik Şurasının sədri N. Tixomirov, Voloqda şəhər meri A. Yakuniç, daxili işlər idarəsinin rəisi P. Qorçakov, Rusiya Federasiyası Prezidentinin Şimal-Qərb federal dairəsindəki səlahiyyətli nümayəndəsinin Voloqda vilayətində federal inspektoru S. Pastuxov, vilayətin Ticarət-Sənaye Palatasının prezidenti, Voloqdsk vilayətinin federal miqrasiya xidmətinin rəhbəri B. Kotov, millət vəkilləri və iş adamları ilə görüşlər keçirəcək. Bundan başqa Q. Osmanovun Voloqda vilayətinin Çerepovets şəhərinə də səfəri nəzərdə tutulur. Səfər zamanı baş konsul Voloqda və Çerepovets şəhərlərində yaşayan soydaşlarımız və milli-mədəni cəmiyətlərin rəhbərləri, Çerepovets Dövlət Universitetinin rəhbərliyi ilə görüşlər keçirməyi planlaşdırır. Səfər zamanı Azərbaycan ilə Voloqda vilayəti arasında müxtəlif sahələrdə ikitərəfli əlaqələrin inkişaf etdirilməsi, Azərbaycan diasporunun formalaşdırılması və gücləndirilməsi, soydaşlarımızın qarşılaşdıqları problemlərin həlli, onların yaşayış tərzinin öyrənilməsi məsələləri müzakirə ediləcək. /APA/
Xarici siyasət
Hikmət Hacıyev: “Azərbaycan COP29 tədbirləri zamanı ölkələri atəşkəs bağlamağa dəvət edə bilər”
18:02
5 may 2024
BMT Baş katibinin köməkçisi Emənistanın Azərbaycanla sərhəd bölgələrinə səfər edəcək
14:35
5 may 2024
Azərbaycanla Qambiya arasında diplomatik passport sahibləri üçün viza rejimi ləğv edilib
23:10
4 may 2024
Ceyhun Bayramov İƏT-in Qida Təhlükəsizliyi üzrə baş direktoru ilə görüşüb
22:46
4 may 2024