Stepan Volkovetski: “Qubada aşkarlanmış kütləvi məzarlıq barədə məlumatlar Ukraynada diqqətlə izlənilir”
14 may 2007 10:42 (UTC +04:00)
Qubada aşkarlanmış kütləvi məzarlıq barədə məlumatlar Ukraynada diqqətlə izlənilir. APA-nın məlumatına görə, Ukraynanın Azərbaycandakı səfiri Stepan Volkovetski Qubada jurnalistlərlə söhbətində bildirib ki, ölkəsi belə faktlara çox həssas yanaşır: “Ukrayna ilə Azərbaycanın tarixində çoxlu oxşar hadisələr var. 1918-ci ildə həm Ukrayna, həm də Azərbaycan öz müstəqilliklərini elan etmişdilər. Həm bizim, həm də sizin azadlığınız eyni xarici qüvvələr bolşevik hakimiyyəti tərəfindən əlimizdən alınmışdı. Mübarizə aparan xalqlarımız böyük itkilər veriblər, böyüməkdə olan nəsli bu tarixin üzərində tərbiyə etmək lazımdır”. APA-nın “İkinci Dünya müharibəsi illərindən kütləvi məzarlıqların araşdırılmasında təcrübəsi olan Ukrayna Azərbaycana yardım edə bilərmi” sualını cavablandıran səfir deyib ki, Qubada tapılmış məzarlıq hərtərəfli tədqiq olunmalıdır: “Bizim tək həmin müharibə ilə bağlı yox, həm də 20-ci illərdə baş vermiş hadisələr və 1932-33-cü illərdə aclıqdan 10 milyona yaxın insanın öldüyü Qolodomor illəri məzarlıqlarının tədqiqi sahəsində təcrübəmiz var. Bu hadisələr tarixçilər, alimlər tərəfindən araşdırılır. Kütləvi məzarlıqlarla bağlı hadisələrə həm də siyasi qiymət verilməlidir”. /APA/
Xarici siyasət
FHN: Azərbaycan 40 xilasedicini İranda axtarış-xilasetmə əməliyyatına göndərməyə hazırdır
01:22
20 may 2024
XİN: Azərbaycan dost və qardaş xalq kimi İrana bütün lazımi dəstəyi verməyə hazırdır
20:03
19 may 2024
Latviya Parlamenti sədrinin başçılıq etdiyi nümayəndə heyəti Füzuli və Şuşa şəhərlərində olub - FOTO - YENİLƏNİB
19:21
19 may 2024
İran səfirinin Azərbaycan Respublikasındakı diplomatik missiyası başa çatıb
18:44
19 may 2024