Kşiştof Krayevski: “Krakovda keçirilən enerji sammitinin çox uğurlu nəticələri olub”
14 may 2007 12:10 (UTC +04:00)
“Krakovda Polşa, Azərbaycan, Gürcüstan, Ukrayna və Litva prezidentlərinin və Qazaxıstanın enerji naziri müavinin iştirakı ilə keçirilmiş enerji sammiti çox uğurlu olub”. Bu açıqlamanı APA-ya Polşanın ölkəmizdəki fövqəladə və səlahiyyətli səfiri Kşiştof Krayevski verib. Səfirin sözlərinə görə, prezidentlər Xəzərin karbohidrogen ehtiyatlarının nəqlinə dair alternativ variantları üzərində işləyəcək hökumətlərarası qrupun yaradılması barədə qərar qəbul ediblər. Kşiştof Krayevski bu görüşün keçirilməsinə dair Polşanın təşəbbüsünü ölkəsinin bütün Avropa üçün maraqlı olan bu regiona maraq göstərməsi ilə əsaslandırıb. Krakov sammiti ilə paralel olaraq Aşqabadda Rusiya, Qazaxıstan və Türkmənistan prezidentlərinin görüşünə münasibət bildirən diplomat deyib ki, bu görüşlər təsadüfən üst-üstə düşüb. O, Rusiya Dövlət Dumasında Krakov görüşünün Rusiya əleyhinə yönəlmiş bir addım olması barədə fikirlərə münasibət bildirən Krayevski bildirib ki, bu məsələləri siyasiləşdirmək lazhım deyil. /APA/
Xarici siyasət
KİV: Azərbaycan-Ermənistan sərhədinin Kirants kəndi istiqamətində demarkasiya işləri yekunlaşmaq üzrədir
11:01
20 may 2024
Azərbaycan XİN və Ceyhun Bayramov İrana başsağlığı verib
10:31
20 may 2024
Latviya parlamentinin nümayəndə heyəti Ulu Öndərin məzarını və Şəhidlər xiyabanını ziyarət edib
10:30
20 may 2024
FHN: Azərbaycan 40 xilasedicini İranda axtarış-xilasetmə əməliyyatına göndərməyə hazırdır
01:22
20 may 2024