Kiprin yunan və türk icmaları liderləri Nikos Anastasiadis və Mustafa Akıncı bu gün Cenevrədə ərazi məsələlərinə dair danışıqları bərpa edəcəklər.
APA-nın “RİA Novosti”yə istinadən verdiyi xəbərə görə, iki gün davam edən danışıqlarda BMT-nin xüsusi elçisi Espen Bart Eydenin də iştirakı gözlənilir.
Yanvarın 12-də isə Yunanıstan, Türkiyə, Böyük Britaniya və Avropa İttifaqı rəsmilərinin iştirakı ilə beynəlxalq konfransın keçiriləcəyi planlaşdırılır. Avropa İttifaqının nümayəndə heyətinə Avropa Komissiyasının sədri Jan-Klod Yunker başçılıq edəcək.
Kiprin birləşməsinə dair danışıqlar iki illik fasilədən sonra 2014-cü ilin fevralında bərpa edilib. 2016-ci ilin noyabrında İsveçərədə keçirilən danışıqlar Nikos Anastasiadisin xahişi ilə dayandırılmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
