Sosial

Ana səhifə

Sosial

Dünya İqtisadi Forumunun “Ali təhsil və təlim” indeksində Azərbaycanın mövqeyi 22 pillə yüksəlib

13 oktyabr 2017 10:00 (UTC +04:00)

Dünya təhsil bazarında və bir sıra nüfuzlu beynəlxalq reytinqlərdə Azərbaycanın mövqeyi əhəmiyyətli dərəcədə yaxşılaşıb.

UNEC-dən APA-ya bildirilib ki, Dünya İqtisadi Forumun “Ali təhsil və təlim” indeksi üzrə ölkəmizin mövqeyi son 4 ildə 22 pillə yaxşılaşaraq 90-cı yerdən 68-ci yerə qədər yüksəlib.

Bir sıra alt göstəricilər üzrə təhsil sahəsində daha çox irəliləyiş var. Son 4 ildə “Təhsil sisteminin keyfiyyəti” göstəricisi 69 pillə (104-cü yerdən 35-ci yerə), “İdarəetmə məktəblərinin keyfiyyəti” göstəricisi 52 pillə (124-cü yerdən 72-ci yerə), “Riyaziyyat və elmi təhsilin keyfiyyəti” göstəricisi 42-ci pillə (108-ci yerdən 66-cı yerə), “Kadr hazırlığı dərəcəsi” göstəricisi 43 pillə (94-cü yerdən 51-ci yerə), “Yerli ixtisaslaşmış təlim xidmətləri” 35 pillə (79-cu yerdən 44-cü yerə), “Məktəblərdə internetə çıxış” göstəricisi 28 pillə (69-cu yerdən 41-ci yerə) yüksəlib.

“Ali təhsil və təlim” indeksini formalaşdıran göstəricilərin illər üzrə dinamikası

İllər Göstəricilər	2014/15- ci il	2015/16-cı il	2016/17-ci il	2017/18- ci il	2017/18-ci il 2014/15-ci illə müqayisədə
“Təhsil sisteminin keyfiyyəti”	104	107	72	35	69
“Riyaziyyat və elmi təhsilin keyfiyyəti”	108	104	80	66	42
“İdarəetmə məktəblərinin keyfiyyəti”	124	121	89	72	52
“Məktəblərdə internetə çıxış”	69	68	56	41	28
“Yerli ixtisaslaşmış təlim xidmətləri”	79	82	69	44	35
“Kadr hazırlığı dərəcəsi”	94	90	82	51	43
“Ali təhsil və təlim” indeksi üzrə ümumi nəticə	90	89	78	68	22