Moldovanın Çadır Lunqa şəhərində Heydər Əliyev Fondunun maliyyə dəstəyi ilə inşa ediləcək Mədəniyyət-təhsil mərkəzinin binasının təməlqoyma mərasimi keçirilib.
APA-nın Moldova müxbirinin xəbərinə görə, 1600 kv.m-dən çox sahəsi olan Mədəniyyət-təhsil mərkəzi geniş otaqlardan və konsert zalından ibarətdir. Bina bütün lazımı avadanlıqlarla, eləcə də kompüter otaqları ilə təchiz olunacaq.
Təməlqoyma mərasimində Moldova prezidenti İqor Nikolayeviç Dodon və Qaqauziya Muxtariyyətinin başqanı İrina Fedorovna Vlah iştirak ediblər. Heydər Əliyev Fondunu isə mərasimdə qurumun nümayəndəsi Ələkbər Quliyev təmsil edib.
Çıxış edənlər bildiriblər ki, tikilən mərkəzdə Çadır Lunqa şəhərinin və ətraf rayonların uşaqlar, gəncləri öz potensialını üzə çıxarmaq imkanına sahib olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
