Bakı. Nicat Mustafayev – APA-Economics. Ötən il ərzində Azərbaycanın dəniz nəqliyyatında daşınmış yüklərin həcmi 2011-ci ilə nisbətən 1,1% azalaraq 12,4 mln. ton təşkil edib.
Dövlət Statistika Komitəsindən «APA-Economics»ə verilən məlumata görə, yüklərin 60,5%-ni neft yükləri, 39,5%-ni isə quru yüklər təşkil edib və bütün daşımalar xarici əlaqələr üzrə həyata keçirilib: «Hesabat ilində dəniz limanlarında 11,9 mln. ton yükləmə-boşaltma işləri həyata keçirilib və 0,4% artım olub. İşlənmiş yüklərin 86,8%-ni təşkil edən beynəlxalq tranzit yüklərin həcmi 1,8% artıb, idxal yüklərinin həcmi isə 11% azalıb».
Cari ilin yanvarın 1-i vəziyyətinə limanlarda göndərilmək üçün 81,6 min ton və ya əvvəlki illə müqayisədə 13,3% çox idxal yüklərin qalığı olub.
Ötən il dəniz nəqliyyatı vasitəsilə 17,7 min sərnişin daşınıb ki, bu da əvvəlki ilə nisbətən 2,3% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
