Bakı – APA-Economics. Azərbaycanda ÜDM artımı 2014-cü ildə 5,2% səviyyəsində gözlənilir. “APA-Economics”in məlumatına görə, bu barədə Dünya Bankının (DB) “Global iqtisadi perspektivlər” adlı hesabatında deyilir.
DB-nin proqnozlarına görə, 2015-ci ildə Azərbaycanın ÜDM artımı 4,1%, 2016-cı ildə isə 3,6% təşkil edəcək.
Qeyd edək ki, bundan öncə bankın ölkə üzrə ÜDM artımı ilə bağlı proqnozları 2014-cü ildə 5,3%, 2015-ci il üçün - 4,6%, 2016-cı il üçün – 3,9% səviyyəsində olub.
Hesabata əsasən, proqnozun azaldılmasına səbəb Azərbaycanda neft hasilatında gözlənilən durğunluqdur. “Qeyri-neft sektorunun artımı vergi-büdcə siyasətinin sərtləşdirilməsi ilə bağlı bir qədər ləngiyəcək”, - deyə sənəddə qeyd olunur.
Onu da qeyd edək ki, Azərbaycan hökumətinin proqnozlarına görə, 2014-cü ildə ÜDM-in 5,2%, 2015-də - 5,8%, 2016-da – 4,8% artacağı gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
