Şabran. Vəli Turan - APA. Bakı-Quba Rusiya federasiya dövlət sərhədi yolunda təmir işləri aparılır. APA-nın şimal bürosunun verdiyi məlumata görə, təmir işlərinə Bakı istiqamətinə magistralın 74-cü km-də, Şabran rayonunun Gəndob kəndi ərazisindən keçən hissəsindən başlanılıb.
Nəqliyyat Nazirliyi “Azəryolsevis” ASC-nin mətbuat xidmətinin rəhbəri Anar Nəcəflinin APA-nın yerli bürosuna verdiyi məlumata görə, təmir işləri yolun normadan artıq yüklənmiş və deformasiyaya uğramış 10 km-lik hissəsində aparılır. Təmir işləri ilə əlaqədar magistralın həmin hissəsində maşınların hərəkəti məhdudlaşdırılıb. Anar Nəcəflinin sözlərinə görə, ərazidə tikinti işləri müvafiq plana uyğun aparılır.
Təmir olunan 10 km-lik ərazidə beton üzlük asfalt çəkiləcək.
Bakı-Quba-Rusiya Federasiyası ilə Dövlət sərhədi avtomobil yolu 2009-cu ildə əsaslı yenidənqurmadan sonra istifadəyə verilib. Beton yolun uzunluğu 118 kilometrdir. Yol üzərində 21 ədəd körpü və yol ötürücüsü tikilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
